ამ ზამთარში ევროპას შესაძლოა გაზის დეფიციტი შეექმნას. ამის შესახებ ფრანგული კომპანია TotalEnergies-ის ხელმძღვანელმა პატრიკ პუიანმა განაცხადა, რომელსაც cnews.fr-ი ციტირებს.
„რაც შეეხება გაზს, გაზსაცავები სავსე იქნება ოქტომბერში, მაგრამ თუ ზამთარი ევროპაში ცივი იქნება, კონტინენტზე ეს მარაგი არ იქნება საკმარისი იმისათვის, რომ დააკმაყოფილოს მოთხოვნა მთელი ზამთრის სეზონის განმავლობაში“, - გააფრთხილა პუიანმა.
ამასთან, მან აღნიშნა, რომ გაზის იმპორტი უფრო მაღალი ფასებით უნდა მოხდეს. „არ არსებობს ბაზარზე მეგობრული ფასები, სადაც ყველაფერი მიწოდებაზე და მოთხოვნაზეა დამოკიდებული“, - განაცხადა TotalEnergies-ის ხელმძღვანელმა.
როგორც ცნობილია, ევროპის მთავრობები გაზის დეფიციტის დიდ ნაწილს ძვირადღირებული თხევადი ბუნებრივი გაზით (LNG) ავსებენ , რომელიც აშშ-დან და კატარიდან ზღვით იგზავნება.
