დავოსი 54-ე ეკონომიკური ფორუმისთვის ემზადება. შვეიცარიის საკურორტო ქალაქი მსოფლიოს გავლენიანი ქვეყნების ლიდერებსა და წამყვანი ბიზნეს კომპანიების ხელმძღვანელებს უმასპინძლებს.
აშშ-ს სახელმწიფო მდივანი ანტონი ბლინკენი, საფრანგეთის პრეზიდენტი ემანუელ მაკრონი და ახლო აღმოსავლეთის მთავარი ლიდერები დაესწრებიან მიმდინარე კვირას მსოფლიო ეკონომიკურ ფორუმს.
ფორუმის ფარგლებში მოლაპარაკებები გაიმართება ღაზის სექტორსა და უკრაინაში ომის დასრულების შესახებ. ცნობილია, რომ ეკონომიკურ ფორუმზე სიტყვით უკრაინის პრეზიდენტი ვოლოდიმირ ზელენსკიც გამოვა.
უმაღლესი დონის ეკონომიკური შეხვედრა მიმდინარე კვირას აიღებს სტარტს.
