თითოეული აღმასრულებელი წევრი დანიშნულია კანონმდებლობის სრული დაცვით და უზრუნველყოფს სებ-ის ქმედუნარიანობას, - აცხადებს სებ-ის პრეზიდენტის მოვალეობის შემსრულებელი ნათია თურნავა.
„სებ-ის მმართველობითი რგოლი და საბჭო არის სრულიად ლეგიტიმური, თითოეული აღმასრულებელი წევრი დანიშნულია ჩვენი კანონმდებლობის სრული დაცვით და უზრუნველყოფს სებ-ის ქმედ უნარიანობას. და ეს კი უზრუნველყოფს მათ შორის ჩვენი ქვეყნის ფინანსურ სტაბილურობას.“, - აღნიშნა თურნავამ პარლამენტში დეპუტატების კითხვის პასუხად, რომლებიც დაინტერესდნენ რატომ დანიშნა მან 2 ვიცე პრეზიდენტი ახლა, როდესაც სებ-ის საბჭოში 4 ვაკანტური თანამდებობაა.
