ლუდის მოხმარება საქართველოში 2016-23 წლებში წლიურად საშუალოდ 5.1%-ით გაიზარდა და Galt & Taggart-ის შეფასებით 2023 წელს 133 მლნ ლიტრს (+1.2% წლიურად) მიაღწევს.
ამასთან, ერთ სულ მოსახლეზე ლუდის მოხმარება საქართველოში მზარდია და 45 ლიტრს შეადგენს 2023 წელს, თუმცა მაინც ჩამორჩება ევროპის საშუალო მაჩვენებელს - 81 ლიტრს.
ლუდის მოხმარების 92% ადგილობრივი წარმოებით კმაყოფილდება, ხოლო დანარჩენი იმპორტირებულია, ძირითადად გერმანიიდან, რუსეთიდან და ბელგიიდან.
საქართველოში ლუდის წარმოების მოცულობა ნელი ტემპით იზრდება. Galt & Taggart-ის შეფასებით 2023 წელს ლუდის წარმოება საქართველოში 126.0 მლნ ლიტრს მიაღწევს.
წარმოების ღირებულება ძირითადად გაზრდილია ნედლეულის ფასის ზრდის, ლუდის მცირე ზომის შეფუთვებით მოხმარებაზე გადასვლითა და პრემიუმ-ბრენდების წარმოების ზრდის ხარჯზე.
Galt & Taggart-ის ვარაუდით, 2023 წელს ლუდის მწარმოებელი კომპანიების ჯამური შემოსავლის დაახლოებით 60% მოდის ლუდის გაყიდვაზე, ხოლო 40% არა-ალკოჰოლურ სასმელებზე.
ლუდის უმსხვილესი მწარმოებლები ასევე აწარმოებენ არა-ალკოჰოლურ სასმელებსაც. 2022 წელს, ლუდის წარმოების ღირებულებამ ₾294.7 მლნ შეადგინა, ხოლო არა-ალკოჰოლური სასმელებიდან მიღებულმა შემოსავალმა ₾213.0 მლნ.
2016-23 წლებში ლუდის გაყიდვიდან მიღებული შემოსავლები წლიურად საშუალოდ 15.1%-ით, ხოლო არა-ალკოჰოლური სასმელების გაყიდვიდან მიღებული შემოსავალი საშუალოდ 19.7%-ით იზრდებოდა. შესაბამისად, ამ პერიოდში ჯამურ შემოსავალში ლუდის წილი შემცირებულია 62.9%-დან 56.3%-მდე.
2023 წლის სამ კვარტალში კომპანიების ჯამური ბრუნვა ₾446 მლნ-მდეა გაზრდილი (წლიურად 15.2%) და წლის ბოლომდე სავარაუდოდ ₾585 მლნ-ს მიაღწევს
ლუდის წარმოება - ტოპ კომპანიები
ლუდის უმსხვილესი მწარმოებლების წილი სექტორის ჯამურ შემოსავლებში ცვალებადია და 2022 წელს მათი ბაზრის წილი შემცირდა მცირე ლუდსახარშების ხარჯზე.
• •
საქართველოში ლუდს 4 მსხვილი და 42 მცირე კომპანია აწარმოებს.
ლუდის უმსხვილესი მწარმოებლები ადგილობრივი ბრენდების გარდა ასევე აწარმოებენ საერთაშორისო ბრენდის ლუდსაც ლიცენზიის საფუძველზე. მაგალითად, ლომისს აქვს AB InBev-ის და Molson Coors-ის ზოგიერთი ბრენდის ლიცენზია (Corona, Staropramen, Lowenbrau), გლობალ ბიერ ჯორჯიას - Heineken-ის, ქართული ლუდის კომპანიას - Carlsberg-ის და Molson Coors-ის ზოგიერთი ბრენდის ლიცენზია.
ლუდის წარმოება - ბრენდები
ქართულ ბაზარზე ლუდის ასორტიმენტი მრავალფეროვანია
უმსხვილესი კომპანიების ცნობილი ბრენდები პროდუქტების მიხედვით
