იმპორტირებული თამბაქოს აქციზიდან მიღებული შემოსავლები 58%-იან ზრდას აჩვენებს. სახელმწიფო ხაზინის მონაცემებით, 2024 წლის იანვარ-თებერვალში იმპორტირებული თამბაქოს აქციზიდან 148,831,353.88 ლარი შევიდა, 2023 წლის იანვარ-თებერვალში კი 93,959,143.50 ლარი.
იმპორტირებული თამბაქოს აქციზიდან ბიუჯეტში მიღებული შემოსავლები წლების მიხედვით:
2023 წელი - 985,261,450.99 ლარი
2022 წელი - 1,832,642,041.81 ლარი
2021 წელი - 831,536,027.57 ლარი.
საქსტატის ინფორმაციით, თამბაქოს იმპორტი ღირებულებით ჭრილში 5%-იან ზრდას აჩვენებს. 2023 წლის იანვარ-თებერვალში ქვეყანაში 18,587.69 ათასი დოლარის ღირებულების თამბაქო და თამბაქოს სამრეწველო შემცვლელების იმპორტი განხორციელდა, 2024 წლის იანვარ-თებერვალში კი 19,589.98 ათასი დოლარის.
შემოსავცლების საიტზე განთავსებული ინფორმაციით, თამბაქოს ნაწარმის აქციზის დაბეგრბრა ხდება შემდეგნაირად – თამბაქოს ნაწარმის რაოდენობით ან წონით ან/და საცალო სარეალიზაციო ფასის მიხედვით;
როგორ ხდება სიგარეტებზე აქციზის თანხის დაანგარიშება?
2402 20 – სიგარეტებზე, თამბაქოს შემცველობით 20 ღერზე აქციზის განაკვეთია - 1.7 ლარი;
აქციზის თანხის გამოანგარიშების მიზნისთვის:
შენიშვნა: აქციზის თანხის გამოანგარიშების მიზნისთვის საქონლის საცალო სარეალიზაციო ფასი დგინდება ამ საქონლის მწარმოებლის/იმპორტიორის მიერ საგადასახადო ორგანოში წარდგენილი საცალო სარეალიზაციო ფასებისა და საგადასახადო ორგანოში არსებული სხვა ინფორმაციის საფუძველზე არაუგვიანეს ყოველი წლის 1 დეკემბრისა და გამოიყენება მომდევნო წლის 1 იანვრიდან 1 წლის განმავლობაში.
