რამდენია მთავრობის საშინაო ვალი

წლიურ ჭრილში მთავრობის საშინაო ვალი ზრდას აჩვენებს, ხოლო წინა თვესთან შედარებით კლებას.

ფინანსთა სამინისტროს ვებგვერდზე განთავსებული სტატისტიკური ინფორმაციიდან ირკვევა, რომ 2024 წლის იანვრის ბოლოსთვის მთავრობის საშინაო ვალი 8 392 071 400 ლარს შეადგენდა, რაც 2023 წლის დეკემბრის ბოლოსთვის არსებულ მაჩვენებლებთან შედარებით 2%-იანი კლებაა, ხოლო 2023 წლის იანვრის ბოლოს არსებულ მაჩვენებლებთან 19%-იანი ზრდა. 2023 წლის 31 იანვრის მდგომარეობით მთავრობის საშინაო ვალის მოცულობა 7 054 722 300 ლარს შეადგენდა, ხოლო 2023 წლის 31 დეკემბრის მდგომარეობით 8 606 312 500 ლარს.

მიმდინარე წლის 31 იანვრის მდგომარეობით კი მთავრობის საშინაო ვალში სახაზინო ფასიანი ქაღალდების წილი 97%-ი იყო, საუბარია სულ 8 128 923 700 ლარზე.

უფრო კონკრეტულად

სახაზინო ფასიანი ქაღალდები - 8 128 923 700 ლარი.

• სახაზინო ვალდებულებები (1 წლამდე ვადის მქონე) - 381 946 600 ლარი,
• სახაზინო ობლიგაციები (1 წელზე მეტი ვადის მქონე) - 7 746 977 100 ლარი.

სხვა ფასიანი ქაღალდები - 232 846 000 ლარი,

• ობლიგაცია სებ-ისთვის - 80 846 000 ლარი,
• ობლიგაციები ღია ბაზრის ოპერაციებისთვის - 152 000 000 ლარი,

საბიუჯეტო ორგანიზაციების სესხის სახით არსებული ვალი * - 30 301 700 ლარი.

* საბიუჯეტო ორგანიზაციების სესხის სახით არსებული ვალის ოდენობაში, საქართველოს საბიუჯეტო კოდექსში განხორციელებული ცვლილების შესაბამისად, გათვალისწინებულია სამთავრობო სექტორისათვის მიკუთვნებული სახელმწიფო საწარმოების სესხის სახით არსებული ვალი 2022 წლის დეკემბრიდან.