შინაგან საქმეთა მინისტრს პარლამენტში მოუსმენენ. სასაუბრო თემა, შოვში მომხდარ ტრაგედიაზე ძალოვანი უწყების პირველადი რეაგირება და სამინისტროს სამოქმედო გეგმა იქნება.
ვახტანგ გომელაურს ინტერპელაციის წესით „ნაციონალური მოძრაობა“ იბარებს, ოპოზიციურ პარტიას 5 ძირითადი კითხვა აქვს.
მმართველ გუნდში ამბობენ, რომ შესაბამისმა სამსახურებმა და მათ შორის ვახტანგ გომელაურმა სამძებრო სამაშველო ღონისძიებებზე და ვერტმფრენების ჩართულობაზეც არაერთხელ ისაუბრეს. თუმცა „ქართულ ოცნებაში“ აღნიშნავენ, რომ შინაგან საქმეთა მინისტრს პარლამენტში მისვლის პრობლემა არ აქვს და ყველა კითხვას ამომწურავად უპასუხებს.
