ქონების გადახდის ვალდებულება 15 ნოემბრის ჩათვლით არის შესაძლებელი. ამის შესახებ შემოსავლების სამსსახური ინფორმაციას ავრცელებს.
„ფიზიკური პირის ქონებაზე წლიური გადასახადის გადახდისას, საკმარისია მხოლოდ ერთიანი სახაზინო კოდის -10 100 1000 მითითება (საგადასახადო დავალებაში არ აღინიშნება გადასახადის განმსაზღვრელი სხვა კოდი)
სასურველი ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის სერვისით “RS ჩათი“ ან დაუკავშირდეთ საინფორმაციო საკონსულტაციო ცენტრს 2 299 299“, - ნათქვამია შემოსავლების სამსახურის მიერ გავრცელებულ ინფორმაციაში.
შემოსავლების სამსახურის მონაცემებით, 2023 წელს, წინა წელთან შედარებით, დარიცხული ქონების (მათ შორის მიწის) გადასახადი 17%-ით არის გაზრდილი.
დღეის მდგომარეობით, ქონების დეკლარაცია 366 706-მა ფიზიკურმა პირმა წარმოადგინა, ხოლო დარიცხული თანხის საერთო ოდენობა 84 489 056 ლარს შეადგენს.
