სირიული სამთავრობო მედიის ცნობით, ისრაელმა იერიში მიიტანა ქალაქ ალეპოს აეროპორტზე, - ამის შესახებ Reuters-ი წერს.
მედიის ცნობით, დარტყმის შედეგად დაზიანდა ასაფრენი ბილიკი და მუშაობა შეწყდა. აეროპორტი ექსპლუატაციაში მხოლოდ შაბათს შევიდა, მას შემდეგ რაც ისრაელის ძალების ერთდროულმა სარაკეტო თავდასხმებმა სირიის დედაქალაქ დამასკოსა და ჩრდილოეთ ქალაქ ალეპოს აეროპორტები დააზიანა.
