ერთიანი ეროვნული გამოცდების პირველადი შედეგების გამოქვეყნება ორშაბათიდან განახლდება. გამოცდების ეროვნული ცენტრის ინფორმაციით, 8 აგვისტოდან იგეგმება საპრეტენზიო განაცხადების მიღების პროცესის დაწყება, რომელიც სამი დღის განმავლობაში გაგრძელდება. საპრეტენზიო განაცხადების მიღება ელექტრონულ ფორმატში იქნება შესაძლებელი.
აბიტურიენტს უფლება აქვს, გაასაჩივროს როგორც ერთი, ასევე რამდენიმე დავალება. დეტალური ინსტრუქცია შეფასებისა და გამოცდების ეროვნული ცენტრის ოფიციალურ ვებ და ფეისბუკ გვერდებზე გამოქვეყნდება.
