USD 2.8403

EUR 2.909

TRY 0.0789

GBP 3.4964

RUB 0.028368

დამატებულია კალათაში მარაგში არ არი საკმარისი რაოდენობა დამატებულია სურვილების სიაში უკვე დამატებულია სურვილების სიაში
Crowne Plaza ბათუმში 2025 წელს გაიხსნება

Crowne Plaza ბათუმში 2025 წელს გაიხსნება

2023-07-31 13:59:26

კომპანია Ishraq Hospitality-მ Rekan Group-თან ხელშეკრულება გააფორმა საქართველოში სასტუმრო Crowne Plaza-ს მართვაზე. ობიექტის გახსნა 2025 წელს იგეგმება. ამის შესახებ ინფორმაციას tradearabia.com ავრცელებს. 

ახალი სასტუმრო, რომელიც ბათუმში, სანაპიროზე განთავსდება 150 ნომერზე იქნება გათვლილი. პროექტი სასტუმრო ნომრების გარდა მოიცავს ორ რესტორანს, საკონფერენციო დარბაზებს, ფიტნეს კლუბს და საცურაო აუზს.

გარდა ამისა, Ishraq Hospitality ზედამხედველობას გაუწევს 240 ნომრიან Batumi View Hotel Apartments-ს. ამ ობიექტების მენეჯმენტი მიზნად ისახავს „ბათუმში სტუმართმოყვარეობის ინდუსტრიის გაუმჯობესებას და ქალაქის, როგორც ტურისტული ადგილის რეპუტაციის გაძლიერებას“, - ნათქვამია კომპანიის განცხადებაში.

„საქართველოს ტურისტული ბაზარი სტაბილურად იზრდება. მხოლოდ 2022 წელს ქვეყანამ მიიღო 5,4 მილიონზე მეტი მოგზაური. მოხარული ვართ, რომ წვლილს შევიტანთ ბათუმის, როგორც წამყვანი ტურისტული ადგილის და ახალი ევროპული დედაქალაქის განვითარებაში, რომელიც მასპინძლობს საერთაშორისო ღონისძიებებს“, - განაცხადა რიჩარდ ჰადადმა, Ishraq Hospitality-ის აღმასრულებელმა დირექტორმა.

ავტორი:

გიგი ნოზაძე
ავტორის ყველა სიახლე

უახლესი

მოსაზრება


მსგავსი სიახლეები