„კავკასიის უნივერსიტეტის” პრეზიდენტი და „შავი ზღვის საერთაშორისო უნივერსიტეტის“ მფლობელი, კახა შენგელია Business Insider Georgia-თან 2023 წლის საქმიანობის შედეგებს აჯამებს.
მისი თქმით, მიმდინარე წელი წარმატებული იყო.
„შავი ზღვის საერთაშორისო უნივერსიტეტი“ ვიყიდეთ 2023 წლის ოქტომბერში, ხოლო ნოემბერში „კავკასიის უნივერსიტეტმა“ შეიძინა მასშტაბური შენობა ქალაქის ცენტრში, რათა უნივერსიტეტი კიდევ უფრო გაფართოვდეს და მიმზიდველი გახდეს სტუდენტებისთვის“,- აღნიშნა კახა შენგელიამ.
ამასთან, 2024 წელს შავი ზღვის საერთაშორისო უნივერსიტეტს ახალი პროგრამები დაემატება, მათ შორის მედიცინა, ფსიქოლოგია, PR-ი, ხოლო „კავკასიის უნივერსიტეტში“ სიახლე იქნება ის, რომ 2024 წლის სექტემბერში ბათუმის კამპუსის გახსნაა დაგეგმილი.
„ორივე უნივერსიტეტის საქმიანობის ფარგლებში ბევრი პროგრამა და ახალი პროექტი გვაქვს ჩაფიქრებული და ვფიქრობ, 2024 წელი უფრო წარმატებული იქნება ვიდრე 2023 წელი“, - ამბობს „შავი ზღვის საერთაშორისო უნივერსიტეტის“ მფლობელი.
კახა შენგელიას განცხადებით, ამ პროექტების განხორციელდება პირადი სახსრებითა და საბანკო სესხებით მიმდინარეობს.
