1 ივნისს, 12:00 საათზე, Radisson RED-ის ეზოში საქველმოქმედო საბავშვო ღონისძიება გაიმართება. ადგილზე მოსული პატარების განწყობაზე მოწვეული ანიმატორი იზრუნებს. მოეწყობა ნამცხვრის მორთვის მასტერკლასი. პატარებს ნაყინით, ფერადი პოპკორნითა და ბამბის ტკბილეულით გაუმასპინძლდებიან.
ბილეთის ღირებულება 50 ლარია. შემოსული თანხა კოჯრის ბავშვთა სახლის აღსაზრდელებს მოხმარდება. გარდა ამისა, მსურველებს შესაძლებლობა ექნებათ ადგილზე მიიტანონ ტანსაცმელი, წიგნები, სათამაშოები, ტკბილეული და სხვადასხვა საჭირო ნივთი. შეგროვებული ნივთების ტრანსპორტირებას ბავშვთა სახლში „რედსიონ რედი“ უზრუნველყოფს.
„სოციალურ პასუხისმგებლობა Radisson RED-ისთვის, როგორც პასუხისმგებლიანი ბიზნესისთვის ერთ-ერთი მთავარი პრიორიტეტია. ჩვენ ყოველთვის ვუჭერთ მხარს ისეთ ინიციატივებსა და აქტივობებს, რომელიც დადებითად აისახება საზოგადოების სხვადასხვა ჯგუფზე. 1 ივნისს, ბავშვთა დაცვის საერთაშორისო დღეს, გვინდა, რომ მცირედი წვლილი მაინც შევიტანოთ მზუნველობამოკლებული პატარებისთვის თუნდაც ერთი დღის გალამაზებაში და მოვუწოდებთ ყველას, ვისაც ამის შესაძლებლობა აქვს, ჩვენს ინიციატივას შემოუერთდნენ” - ბესო გოგინავა, Radisson RED-ის მარკეტინგის ხელმძღვანელი.
ბილეთების შეძება შესაძლებელია ბმულზე: https://tkt.ge/show/19450/bavshvta-dghe-saqvelmoqmedo-ghonisdzieba
