ავტოდაზღვევში მოზიდული პრემიით თიბისი პირველია

2023 წლის განმავლობაში სახმელეთო სატრანსპორტო საშუალებათა დაზღვევის სახეობაში მოზიდულმა პრემიამ  205 მლნ. ლარი შეადგინა. 

დაზღვევის სახელმწიფო ზედამხედველობის სამსახურის სტატისტიკით, სატრანსპორტო საშუალებათა დაზღვევის სახეობაში ყველაზე მეტი პრემია 2023 წელს თიბისი-დაზღვევამ მოიზიდა. პრემიის მოცულობა ₾52.6 მილიონს შეადგენს, ხოლო კომპანიის მიერ მოპოვებული ბაზრის წილი 26%-ია. 

მეორზე ადგილზეა „ალდაგი“ -  48.4 მილიონი ლარი, ბაზრის წილი - 24%; მესამეა ჯიპიაი - 27.4 მილიონი ლარი, ბაზრის 13%; შემდეგ ირაო - მოზიდული პრემია 12.2 მილიონი ლარი, ბაზრის - 6%; მეხუთე პოზიციაზეა „ნიუ ვიჟენ“-ი 11.2 მილიონი ლარით, ბაზრის - 5%; სხვა კომპანიებმა ჯამურად 2023 წელს ავტოდაზღვევის სექტორში 53.3 მილიონი ლარის პრემია მოიზიდეს და მათზე პრემიის მიხედვით ბაზრის 26% ნაწილდება. 

შეგახსენებთ, რომ 2023 წლის 31 დეკემბრის მდგომარეობით რეგისტრირებულია 18 სადაზღვევო კომპანია, რომლებიც ფლობენ სიცოცხლის და არასიცოცხლის დაზღვევის ლიცენზიას.

2023 წლის განმავლობაში მოზიდულმა სადაზღვევო პრემიამ პირდაპირი დაზღვევის საქმიანობიდან შეადგინა 1 063,6 მილიონი ლარი. ამავე პერიოდის შედეგებით მზღვეველების სადაზღვევო მოგებამ შეადგინა 248,5 მილიონი ლარი, წმინდა მოგებამ კი 73,5 მილიონი ლარი.

სადაზღვევო კომპანიების აქტივების ჯამური მოცულობა შეადგენს 1 300,9 მილიონ ლარს, ხოლო კაპიტალი 374,3 მილიონ ლარს