2023 წლის ზაფხულში, საქართველოსა და რუმინეთში დაგეგმილი უეფას 21-წლამდე ევროპის ჩემპიონატისთვის მოხალისეთა რეგისტრაციის პირველი ეტაპი წარმატებით მიმდინარეობს.
მოხალისეთა რეგისტრაცია 18 იანვარს დაიწყო და 30 მარტამდე გაგრძელდება. ევროპის ჩემპიონატი კი, 21 ივნისიდან 8 ივლისის ჩათვლით, საქართველოს სამ ქალაქში – თბილისში, ქუთაისსა და ბათუმში გაიმართება. ფინალური შეხვედრა ბათუმი არენაზე შედგება.
ჩემპიონატის მაღალ დონეზე მასპინძლობისთვის, მოხალისეთა ჩართულობა აუცილებელია.
