თბილისის სამი უბანი, სადაც თებერვალში ყველაზე მეტი ბინა გაიყიდა

Galt & Taggart-ის მომოხილვის თანახმად, 2024 წლის თებერვალში თბილისში 3,444 ბინა გაიყიდა, რაც წლიურად 0.9%-იანი ზრდაა იანვრის 6.3%-იანი წლიური ზრდის შემდეგ.

ეს ზრდა მთლიანად გამოწვეული იყო პირველად ბაზარზე გაზრდილი ტრანზაქციების რაოდენობით (+11.8% წ/წ), მაშინ როცა მეორად ბაზარზე გაყიდვები წლიურად 7.5%-ით შემცირდა.

„მეორად ბაზარზე გაყიდვების კლება სპეკულაციური ყიდვა-გაქირავების პერიოდის დასრულებაზე მიუთითებს, რაც გამოწვეულია ქირის, და შესაბამისად შემოსავლიანობის, ეტაპობრივი კლებით, რომლებიც ჯანსაღ დონეს უბრუნდებიან“,- ნათქვამია მიმოხილვაში. 

2024 წლის იანვარში თბილისში გაყიდული ბინების თითქმის ნახევარი (მთლიანის 49.0%) დაფიქსირდა დიდი დიღმის (+17.0% წ/წ), სამგორისა (+11.5% წ/წ) და საბურთალოს (-8.2% წ/წ) რაიონებში.

აღსანიშნავია, რომ გაყიდვებმა იკლო თბილისის ცენტრალურ უბნებში - ვაკეში (-11.2% წ/წ) და მთაწმინდაზე (-35.9% წ/წ).

ბაზრის სხვა ძირითადი მახასიათებლები უცვლელი დარჩა - გაყიდვებში საშუალო ზომის ბინების (51-80 მ2 ) დომინირება, მათი ხელმისაწვდომობისა და გაქირავების სიმარტივის გამო, და ბიუჯეტური კლასის სეგმენტის ($501-800/მ 2 ) წილის კლება, რაც გამოწვეულია მზარდი ფასებით.

ფასები და გაყიდული ბინების რაოდენობა თბილისის უბნებში: 

მთაწმინდა - გაყიდვების რაოდენობა 41 ბინა; საშუალო ფასი - 2,683 $ / მ 2; საშუალო ქირა 14.0 $ / მ 2;

ვაკე - გაყიდვების რაოდენობა 135 ბინა საშუალო ფასი 2,337 $ / მ 2 საშუალო ქირა 14.1 $ / მ 2

ჩუღურეთი - გაყიდვების რაოდენობა 90 ბინა საშუალო ფასი 1,588 $ / მ 2 საშუალო ქირა 10.9 $ / მ 2

კრწანისი - გაყიდვების რაოდენობა 107 ბინა საშუალო ფასი 1,482 $ / მ 2 საშუალო ქირა 10.8 $ / მ

საბურთალო - გაყიდვების რაოდენობა 568 ბინა საშუალო ფასი 1,450 $ / მ 2 საშუალო ქირა 12.0 $ / მ

დიდუბე - გაყიდვების რაოდენობა 389 ბინა საშუალო ფასი 1,222 $ / მ 2 საშუალო ქირა 9.8 $ / მ 2

ისანი - გაყიდვების რაოდენობა 213 ბინა საშუალო ფასი 1,203 $ / მ 2 საშუალო ქირა 9.6 $ / მ

ნაძალადევი - გაყიდვების რაოდენობა 375 ბინა საშუალო ფასი 1,117 $ / მ 2 საშუალო ქირა 8.9 $ / მ

გლდანი - გაყიდვების რაოდენობა 345 ბინა საშუალო ფასი 1,024 $ / მ 2 საშუალო ქირა 8.0 $ / მ 2

სამგორი - გაყიდვების რაოდენობა 475 ბინა საშუალო ფასი 989 $ / მ 2 საშუალო ქირა 8.1 $ / მ

დიდი დიღომი - გაყიდვების რაოდენობა 646 ბინა საშუალო ფასი 971 $ / მ 2 საშუალო ქირა 8.1 $ / მ

ვაშლიჯვარი - გაყიდვების რაოდენობა 60 ბინა საშუალო ფასი 955 $ / მ 2 საშუალო ქირა 8.8 $ / მ 2