„საირმის“ თანამშრომლების გაფიცვვის მეხუთე დღე -„ვითხოვთ პრემიერის ჩართულობას“

„საირმე მინერალ ვოთერსის“ დასაქმებულები მეხუთე დღეა გაფიცულები არიან. 

• „საირმის" თანამშრომლები გაფიცვას განაგრძობენ. რას გეგმავს კომპანიის ადმინისტრაცია

დასაქმებულთა უფლებადამცველი აგრო მეურნეობის, ვაჭრობისა და მრეწველობის პროფკავშირის ინფორმაციით,  გაფიცვის მეხუთე დღეს, „საირმის“ თანამშრომლები სახელმწიფოს მხრიდან ადეკვატურ რეაგირებასა და პრემიერ-მინისტრს პროცესებში ჩართვას ითხოვენ.

• ,,საირმეში" საწარმოო პროცესი 10%-ით არის აღდგენილი. რას გეგმავს კომპანიის მენჯმენტი
• ,,საირმის“ თანამშრომლები გაიფიცნენ - მიზეზები

„ვითხოვთ ადეკვატურ რეაგირებას სახელმწიფოს მხრიდან და  პრემიერმინისტრის  ჩართულობას მიმდინარე პროცესებში. საწარმოს დასაქმებულები, სრული შემადგენლობით, სიცივის ქარის და დიდთოვლიანობის მიუხედავად დგანან გარეთ და აპროტესტებენ იმ უსამართლო პირობებს, რაშიც უწევდათ მუშაობა წლების განმავლობაში. სახელმწიფოს აქვს ვალდებულება ყურად იღოს ამ ადამიანების პრობლემები და დაეხმაროს მათ სამართლიანობის აღდგენაში“, - ნათქვამია პროფკავშირის Facebook-გვერდზე გავრცელებულ ინფორმაციაში.