Tinkoff Bank-მა საქართველოში ვალუტის გადარიცხვები შეაჩერა. ამის შესახებ Tass-ს საკრედიტო ინსტიტუტის დამხმარე სამსახურში განუცხადეს.
„ეს მოხდა იმის გამო, რომ კორესპონდენტი ბანკი არ ამუშავებს გადარიცხვებს ამ ქვეყანაში“,- წერს რუსული მედია.
25 თებერვალს, რუსული Tinkoff Bank-ი ევროკავშირის სანქციების მეათე პაკეტში მოხვდა, რომელიც უკრაინაში რუსეთის ფართომასშტაბიანი შეჭრის წლისთავს დაემთხვა.
ბლოკმა ასევე დააწესა შეზღუდვები Alfa-Bank-სა და Rosbank-ზე. ევროკავშირმა ზომები ახსნა იმით, რომ საბანკო სექტორი, რომელშიც ეს ბანკები ფუნქციონირებენ, რუსეთის სახელმწიფოს „სოლიდურ შემოსავალს“ აძლევს. გარდა ამისა, ბლოკის ხელისუფლების განცხადებით, სამივე ბანკი მნიშვნელოვან როლს ასრულებს რუსეთის ეკონომიკაში, რადგან ეს ინსტიტუტები სისტემურად მნიშვნელოვანი ბანკების სიაში არიან.
უახლესი
12 საათის წინ
საქართველოს ეროვნული ბანკი „თვის მიმოხილვას“ აქვეყნებს12 საათის წინ
მუხიანში სკვერის რეაბილიტაცია სრულდება
