2023 წლის იანვარ-თებერვალში რუსეთის ბიუჯეტის დეფიციტი გაიზარდა, მაგრამ უკრაინის ომის ფონზე დანახარჯები შენელდა. ამის შესახებ Bloomberg რუსეთის ფედერაციის ფინანსთა სამინისტროს მონაცემებზე დაყრდნობით წერს.
რუსეთის ფედერაციის ბიუჯეტის დეფიციტმა 2,58 ტრილიონ რუბლს (34 მილიარდი დოლარი) მიაღწია, ხოლო ხარჯები 5,74 ტრილიონი რუბლია.
„მოსკოვს გაუჭირდება თავისი ანგარიშების დაბალანსება, რადგან შიდა სახელმწიფო ობლიგაციების შემოსავალი 11%-ზე მაღალია, ხოლო ნავთობიდან შემოსავალი კლებას განაგრძობს“, - განაცხადა რუსმა ეკონომისტმა ალექსანდრ ისაკოვმა.
„სანქციებმა და სხვა შეზღუდვებმა, რომლებიც დაწესდა აშშ-სა და მისი მოკავშირეების მიერ უკრაინაში რუსეთის შეჭრის გამო, რუსეთის ენერგოპროდუქტების ექსპორტის შემოსავალს მძიმედ დაარტყა, რადგან შეზღუდვები ბოლო რამდენიმე თვის განმავლობაში ამოქმედდა“, - წერს გამოცემა.
არაენერგეტიკული სექტორის შემოსავლები რუსეთში, იანვარში 9%-ით შემცირდა. Bloomberg Economics-ის ვარაუდით, წელს რუსეთის ფედერაციის ფედერალური ბიუჯეტის დეფიციტი მთლიანი შიდა პროდუქტის 3-4% იქნება.
რუსეთს ნავთობისა და გაზის შემოსავლები ერთ წელიწადში 46,4%-ით შეუმცირდა.
