რუსეთის რამდენმა მოქალაქემ დააფუძნა საქართველოში კომპანია

მეწარმეთა და არასამეწარმეო (არაკომერციული) იურიდიული პირების რეესტრის ელექტრონული მონაცემებით, 1-ლი იანვრიდან 5 ივნისამდე პერიოდში რუსეთის 657 მოქალაქე 470 სუბიექტის წილის მესაკუთრედ ან/და დამფუძნებლად დარეგისტრირდა. 

როგორც სადეპუტატო კითხვის პასუხად საჯარო რეესტრის მიერ მომზადებული ინფორმაციიდან ირკვევა, წილის მესაკუთრის ან/და დამფუძნებლის სახით რუსეთის ფედერაციის 657 მოქალაქის მონაწილეობა დარეგისტრირდა 470 იურიდიულ პირში.

ხელმძღვანელი/წარმომადგენლის ან/და მმართველი ორგანოს წევრის სახით, რუსეთის ფედერაციის 404 მოქალაქის მონაწილეობა დარეგისტრირდა 359 იურიდიულ პირში. 

საჯარო რეესტრის ინფორმაციითვე, მეწარმეთა და არასამეწარმეო (არაკომერციული) იურიდიული პირების რეესტრის ელექტრონული მონაცემებით, 2022 წლის 1 იანვრიდან 2022 წლის 31 დეკემბრამდე პერიოდისთვის ინდივიდუალურ მეწარმედ დარეგისტრირდა რუსეთის ფედერაციის 14 506 მოქალაქე, ხოლო, 2023 წლის 1-ელი იანვრიდან 5 ივნისამდე პერიოდისთვის, ინდივიდუალურ მეწარმედ დარეგისტრირდა რუსეთის ფედერაციის 6 185 მოქალაქე.

2022 წლის სტატისტიკური მონაცემებით კი 1283 სუბიექტის წილის მესაკუთრედ ან/და დამფუძნებლად დარეგისტრირდა რუსეთის ფედერაციის 1687 მოქალაქე.

ხელმძღვანელი/წარმომადგენლის ან/და მმართველი ორგანოს წევრის სახით, რუსეთის ფედერაციის 1 289 მოქალაქის მონაწილეობა დარეგისტრირდა 1 114 იურიდიულ პირში.

ხელმძღვანელი/წარმომადგენლის ან/ და მმართველი ორგანოს წევრის შესახებ მონაცემები მოძიებულია შემდეგი სამართლებრივი ფორმის მქონე სუბიექტებში: შეზღუდული პასუხისმგებლობის საზოგადოება, სააქციო საზოგადოება, კომანდიტური საზოგადოება, სოლიდარული პასუხისმგებლობის საზოგადოება, კოოპერატივი, არასამეწარმეო (არაკომერციული) იურიდიული პირი.