Toyota 2020-2022 წლებში გამოშვებულ ავტომობილებს აირბაგის პრობლემის გამო უკან იწვევს. კომპანიაში ამბობენ, რომ აირბაგი შესაძლოა, ისე არ გაიხსნას, როგორც ქარხნულად იყო გათვალისწინებული.
Reuters-ის ინფორმაციით, ცენტრებში გამოძახება ეხება 2020 წლიდან 2022 წლამდე გამოშვებულ Toyota-ს მარკის შემდეგ მოდელებს: Avalon, Camry, Corolla, Rav4, Highlander, Sienna Hybrid და ასევე Lexus-ის ES250, ES300H, ES350, RX350. ეს პრობლემა, ძირითადად, ამერიკის შეერთებულ შტატებში გაყიდულ მანქანებზე აისახება.
უმსხვილესი ავტომწარმოებელი კომპანია სენსორის პრობლემის მოგვარებას თებერვლის თვიდან დაიწყებს და თუ საჭირო გახდა, გაუმართავ ნაწილებს ახლითაც ჩაანაცვლებს.
