Galt & Taggart-ი თბილისის საცხოვრებელი უძრავი ქონების ივნისის მიმოხილვას აქვეყნებს.
2023 წლის 5 თვეში სამშენებლო ნებართვები წლიურად 124.5%-ით გაიზარდა, რაც შესაბამისობაშია 2020 წლიდან არსებულ ზრდის ტენდენციასთან.
„ამ დინამიკის გაგრძელებას საშუალოვადიან პერიოდში სავარაუდოდ უძრავი ქონების ფასებსა და ქირებზე დაღმავალი ზეწოლა ექნება.
აღსანიშნავია, რომ საცხოვრებელი მშენებლობის ნებართვები 2023 წლის 5 თვეში თანაბრად განაწილდა თბილისის ცენტრალურ, ფართო ცენტრსა და გარეუბნებს შორის (34%/33%/33%).
ამასთან, საშუალო ნებართვის ზომა წლიურად 37.5%-ით გაიზარდა, რაც ხაზს უსვამს დეველოპერების პრეფერენციას უფრო დიდ საცხოვრებელ პროექტებზე.
ყველაზე მეტი სამშენებლო ნებართვა გაცემულია საბურთალოზე, შემდეგ დიდ დიღომსა და ისანში.
