31 იანვრის მდგომარეობით საპენსიო სააგენტოს აქტივების წმინდა ღირებულება 4.5 მილიარდი ლარია, ხოლო ჯამურმა დაგენერირებულმა საინვესტიციო მოგებამ იგივე პერიოდზე 896.5 მლნ ლარს მიაღწია. როგორც საპენსიო სააგენტოში განმარტავენ, ფონდის დასაწყისიდან (2019 წლის 1 იანვარი) 2024 წლის 31 იანვრის ჩათვლით ჯამურმა ნომინალურმა საინვესტიციო ამონაგებმა 59%, ხოლო რეალურმა ამონაგებმა (ინფლაციის გათვალისწინებით) 15.1% შეადგინა.
