საქართველოს მორაგბეთა ნაკრების მთავარ მწვრთნელად შესაძლოა რიჩარდ კოკერილი დაინიშნოს. ინფორმაციას ავტორიტეტული გამოცემა L'Equipe ავრცელებს.
წყაროს ცნობით, ინგლისელი სპეციალისტი „ბორჯღალოსნებთან“ კონტრაქტს 2 წლით გააფორმებს.
რიჩარდ კოკერილი ბოლოს ფრანგულ „მონპელიეში“ მუშაობდა და გუნდიდან რამდენიმე დღის წინ „პერპინიანთან“ წაგებული მატჩის შემდეგ გაუშვეს.
52 წლის სპეციალისტი სხვადასხვა დროს „ლესტერ ტაიგერსის“, „ტულონის“, „ედინბურგის“ და „მონპელიეს “ მწვრთნელად მუშაობდა. 2021-23 წლებში კი ინგლისის ნაკრების შერკინების მწვრთნელი იყო.
