რუსეთი ნავთობის მოპოვების ნებაყოფლობით შემცირებას დღეში 500 ათასი ბარელით 2024 წლის დეკემბრის ბოლომდე გაახანგრძლივებს.
ამის შესახებ რუსეთის ვიცე-პრემიერმა ალექსანდრე ნოვაკმა განაცხადა.
„რუსეთი გაახანგრძლივებს ნავთობის მოპოვების ნებაყოფლობით შემცირებას 2024 წლის დეკემბრის ბოლომდე. ეს არის პრევენციული ღონისძიება, რომელიც OPEC+ შეთანხმების მონაწილე ქვეყნებთანაა შეთანხმებული. რომლებმაც აპრილში ნავთობის ნებაყოფლობითი შემცირების შესახებ გამოაცხადეს”, - თქვა ნოვაკმა.
მისი თქმით, OPEC +-ის გადაწყვეტილება გაახანგრძლივოს მოქმედი შეთანხმება 2024 წლისთვის და რამდენიმე ქვეყნის მიერ ნავთობის მოპოვების ნებაყოფლობითი შემცირება, ბაზარზე ვითარების პროგნოზირებას კიდევ 1,5 წლით გაადვილებს.
საუდის არაბეთმა და OPEC+-ის სხვა ქვეყნებმა 2 აპრილს განაცხადეს, რომ დღეში დაახლოებით 1.16 მილიონი ბარელით ნავთობის მოპოვების შემცირებას გეგმავდნენ.
G7-ის ქვეყნების მიერ მისთვის ფასის ზღვრის შემოღების საპასუხოდ, რუსეთმა ნავთობის მოპოვების დღეში 500 000 ბარელით შემცირება გამოაცხადა, რასაც ბაზარზე ფასის ზრდა მოჰყვა.
უახლესი
5 საათის წინ
მუხიანში სკვერის რეაბილიტაცია სრულდება6 საათის წინ
ლარი დოლართან და ევროსთან გამყარდა
