IPTV-ის აბონენტების რაოდენობა 6%-იან ზრდას აჩვენებს. comcom-ის ინფორმაციით, სექტემბერში IPTV-ის აბონენტების რაოდენობამ 622 ათასი შეადგინა, მაშინ როდესაც 2022 წლის სექტემბერში მათი რიცხოვნობა 588 ათასს აღწევდა. შესაბამისად სექტემბრიდან სექტემბრამდე პერიოდში PTV-ის აბონენტების რაოდენობა 6%-ითაა გაზრდილი.
5%-იანი ზრდაა IPTV-ის საცალო შემოსავლების მიმართულებით. თუ კი 2023 წლის სექტემბერში IPTV-ის საცალო შემოსავლების რაოდენობა 11 მლნ ლარს აღწევდა, 2022 წლის სექტემბერში ეს მაჩვენებელი 10 მლნ ლარის დონეზე იყო.
სტატისტიკა აჩვენებს, რომ ყველაზე მეტი IPTV-ის აბონენტები კომოპანია „მაგთიკომს“ ყავს.
IPTV-ის აბონენტების გადანაწილება, 2023 წლის სექტემბრის მდგომარეობით, კომპანიების მიხედვით ასეთია:
მაგთიკომი - 54,6%
სილქნეტი - 37,8%
სხვა - 7,5%.
comcom-ის მონაცემებით, 2023 წლის სექტემბერში 2022 წლის სექტემბერთან შედარებით გაზრდილია მცირე ოპერატორების საბაზრო წილები, ხოლო მცირედით შემცირებულია "მაგთიკომის" აბონენტების რაოდენობა.
PTV-ის შემოსავლების გადანაწილება კომპანიების მიხედვით:
მაგთიკომი - 53,8%
სილქნეტი - 39,7%
სხვა - 6.5%.
(პროცენტები შესაძლოა 100-მდე არ ჯამდებოდეს მეათედების დამრგვალების გამო).
ეს მაჩვენებლები კი იმას მოწმობს, რომ 2023 წლის სექტემბერში მცირედით გაზრდილია „სილქნეტის“ შემოსავლები, მცირედით შემცირებულია "მაგთიკომის" შემოსავლები და მცირე ოპერატორების შემოსავლები გაზრდილია მნიშვნელოვნად.
IPTV - მაუწყებლობის ტრანზიტის ერთ-ერთი ტიპი, რომლის დროსაც სამაუწყებლო სიგნალი ქსელებში გადაიცემა ინტერნეტის პროტოკოლის (IP) გამოყენებით.
