საქართველოს ბაზარზე სადებეტო ბარათების მხრივ ლიდერი კვლავ Mastercard-ია. როგორც სებ-ის ვებგვერდზე განთავსებული ინფორმაციიდან ირკვევა, 2023 წლის ნოემბრის ბოლოსთვის არსებული საგადახდო სადებეტო ბარათებიდან 4 180 368 ერთეული სწორედ Mastercard-ზე მოდის. მიმდინარე მაჩვენებლები კი ოქტომბრის მაჩვენებლებთან შედარებით 1%-იან ზრდას აჩვენებს, ხოლო 2022 წლის ნოემბერთან შედარებით 6%-იან ზრდას.
ნოემბრის მდგომარეობით აქტიური სადებეტო ბარათებიდან 51%-ს Mastercard-ი ფლობს, ხოლო 31%-ს VISA.
2023 წლის ნოემბრის ბოლოსთვის მიმოქცევაში VISA-ს აქტიური 2 532 865 ბარათი იყო. ზრდა წინა თვესთან შედარებით 1%-ია, ხოლო 2022 წლის ნოემბერთან შედარებით 12%-იანი ზრდაა.
არსებული სტატისტიკური მაჩვენებლების თანახმად, ბაზრის 18%-ის კი სხვადასხვა სახის სადებეტო ბარათებზე მოდის. მთლიანობაში საუბარია სულ 8 159 643 ერთეულ ბარათზე.
