რამდენი ფილიალითაა წარმოდგენილი 3 უმსხვილესი სამომხმარებლო ტექნიკის მაღაზია: შპს "ალტა" (Alta • ალტა), სს "ელიტ ელექტრონიქსი" (Elit Electronics • ელიტ ელექტრონიქსი) და შპს "ზუმერი ჯორჯია" (zoommer • ზუმერი) საქართველოს ბაზარზე, ამის შესახებ ფინსპოტი/Finspot მიმოხილვა აქვეყნებს.
კომპანიები წარმოდგენილნი არიან ყველა დიდ ქალაქსა და რეგიონულ ცენტრში.
ფილიალების რაოდენობა:
Alta • ალტა: 19 (მოიცავს 4 "მეტრომარტის" ფილიალს, სადაც კომპანიას 50%-იანი წილი აქვს).
Elit Electronics • ელიტ ელექტრონიქსი: 23 (მოიცავს 5 ფრანჩაიზულ მაღაზიას).
zoommer • ზუმერი: 20 ფილიალი.
2009 წლის დეკემბრიდან (ამჟამინდელი აქციონერების მიერ კომპანიის გამოსყიდვამდე) Elit Electronics • ელიტ ელექტრონიქსი, კრედიტორების მოთხოვნითა და სასამართლოს განჩინებით, იმყოფება რეაბილიტაციის რეჟიმში. რეაბილიტაციის რეჟიმი წესით 2022 წელს უნდა დასრულებულიყო.
საქართველოში 3 წამყვან სამომხმარებლო ტექნიკის მაღაზიას ₾850 მილიონზე მეტი ბრუნვა აქვს.
2021 წელს Alta • ალტა-ს შემოსავლებმა ₾381 მილიონი შეადგინა, რაც ბაზრის მეორე და მესამე მონაწილის შემოსავლებს 56%-ით და 61%-ით აღემატება, შესაბამისად,ზრდის ტემპით zoommer • ზუმერი მნიშვნელოვნად უსწრებს კონკურენტებს.
ბოლო სამი წლის განმავლობაში, ზუმერის შემოსავლების საშუალო წლიურმა ზრდამ (CAGR) 33% შეადგინა, კონკურენტების ზრდა კი 11%-19%-ის ფარგლებში იყო. საერთო მოგების მარჟებზე (gross profit margin) დაკვირვებით იკვეთება, რომ zoommer • ზუმერი-ის ბაზრის წილის ზრდის ერთ-ერთი განმაპირობებელი ფაქტორი დაბალი ფასებია. 2018-2021 წლებში, კომპანიის საერთო მოგების მარჟა 2.3 პროცენტული პუნქტით არის შემცირებული 7.8%-მდე.
შედარებისთვის, ამავე პერიოდში, Alta • ალტა-ს საერთო მოგების მარჟა გაიზარდა 10%-დან 17%-მდე, Elit Electronics • ელიტ ელექტრონიქსი კი მარჟებს სტაბილურად ინარჩუნებდა 21%-ის ფარგლებში. დაბალი საერთო მოგების მარჟიდან გამომდინარე და სასურველ მომგებიანობაზე გასასვლელად, zoommer • ზუმერი-ს ყველაზე დაბალი საოპერაციო ხარჯების წილი აქვს შემოსავალთან მიმართებაში (6.3%).
შესაბამისად, უფრო ნაკლებსაც ხარჯავს თანამშრომლების ხელფასებსა და მარკეტინგულ აქტივობებში. Alta • ალტა-ს და Elit Electronics • ელიტ ელექტრონიქსი-ის საოპერაციო ხარჯების წილი შემოსავალაში კი 11%-13%-ის ფარგლებშია.
Alta • ალტა-ს და Elit Electronics • ელიტ ელექტრონიქსი-ს თითქმის 9%-იანი EBITDA მარჯები აქვთ, მაშინ როდესაც zoommer • ზუმერი-ის EBITDA მარჯა 3%-ზე ნაკლებია.
„ელექტრო ტექნიკის სექტორი საჭიროებს დიდი რაოდენობით საბრუნავ კაპიტალს, რათა საჭიროებისამებრ მოხდეს იმპორტი და მარაგების შევსება. შესაბამისად, დაბალმომგებიანობისა და არასკმარისი ქეშის გენერირების შემთხვევაში, კომპანიას უწევს მაღალი ლევერიჯით ოპერირება.
სწორედ ამიტომაა რომ zoommer • ზუმერი ყველაზე მაღალ-ლევერიჯიანია და სესხის წილი აქტივებში 58%-ს შეადგენს, მაშინ როდესაც Alta • ალტა-ს შემთხვევაში ეს მაჩვენებელი მხოლოდ 17%-ია. რაც შეეხება Elit Electronics • ელიტ ელექტრონიქსი-ს, კომპანია 2009 წლიდან რეაბილიტაციის რეჟიმში იყო და უწევდა ძველი დაგროვილი ვალდებულებების გადახდა, რაც სესხის მოცულობასა და დარიცხულ პროცენტზეც აისახება.
საინტერესოა შევხედოთ მარაგების ბრუნვადობას (Days Inventory Outstanding). zoommer • ზუმერი მარაგების ამოყიდვას გაცილებით სწრაფად (21 დღეში) ახერხებს, რაც კომპანიის პროდუქციის სპეციფიკიდან გამომდინარეობს. Alta • ალტა-ს და Elit Electronics • ელიტ ელექტრონიქსი-ის პროდუქციის მნიშვნელოვანი ნაწილი მოდის საყოფაცხოვრებო ტექნიკაზე, რომლის გაყიდვაც არ ხდება ისე სწრაფად როგორც მობილური და სხვა საინფორმაციო ტექნიკის“, - ნათქვამია ფინსპოტის მიმოხილვაში.
კომპანიების მიერ გაცემული დივიდენდები 2018-2021 წლებში კუმულატიურად შემდეგნაირად გამოიყურება: - Alta • ალტა: ₾29 მილიონი. - Elit Electronics • ელიტ ელექტრონიქსი: ₾0. კომპანია რეაბილიტაციის რეჟიმში იყო, შესაბამისად არ ჰქონდა დივიდენდის გაცემის უფლება რეაბილიტაციის გეგმით დაკისრებული ვალდებულებების დაფარვამდე. - zoommer • ზუმერი: ₾3 მილიონი“.
