პარლამენტმა „ბუნებრივი რესურსებით სარგებლობისათვის მოსაკრებლების შესახებ" საქართველოს კანონში ცვლილების შეტანის თაობაზე" გადაწყვეტილება მესამე მოსმენით, 82 ხმით მიიღო.
კანონპროექტის მიღების შედეგად განისაზღვრება ბუნებრივი რესურსებით სარგებლობის მოსაკრებლის განახლებული განაკვეთი. კონკრეტულად, კირქვის რესურსებით სარგებლობის მოსაკრებელი განისაზღვრება 28 თეთრით 14 თეთრის ნაცვლად, რაც საგრძნობლად გაზრდის ამ რესურსით მოსარგებლეთა მიერ ადგილობრივ ბიუჯეტში შესატანი თანხის ოდენობას.
