საქართველოს პრეზიდენტი სოხუმის ეროვნულ გალერეაში მომხდარ ხანძართან დაკავშირებით სოციალურ ქსელ X-ში განცხადებას ავრცელებს.
„ოკუპირებულ აფხაზეთში ხანძრის შედეგად სოხუმის ეროვნული გალერეის განადგურება თითოეული ჩვენგანის ტრაგედიაა. სინანულს გამოვხატავ იმის გამო, რაც როგორც დე ფაქტო ხელმძღვანელობის, ასევე, რუსი ოკუპანტების მხრიდან კულტურული იდენტობის უგულებელყოფის პირდაპირი შედეგია. მოვუწოდებ საერთაშორისო საზოგადოებას, ყურადღება გაამახვილოს საქართველოს ოკუპირებულ ტერიტორიებზე ჩვენი კულტურული მემკვიდრეობის დაცვის საკითხზე. მისწერეთ პრეზიდენტის მასალები“, - წერს სალომე ზურაბიშვილი.
შეგახსენებთ, რომ 21 იანვარს, სოხუმის მთავარ საგამოფენო დარბაზში ხანძარი მოხდა. ადგილობრივი მედიის ცნობით, აფხაზ ხელოვანთა „ოქროს ფონდი“ სრულად განადგურდა. ოკუპირებული აფხაზეთის კულტურის ე.წ. მინისტრის მოვალეობის შემსრულებელის, დინარა სმირმას ინფორმაციით, ხანძრის შედეგად, 4 000-ზე მეტი ეგზემპლარი დაიწვა.
