საქართველოში სადებეტო ბარათების მხრივ ლიდერი კვლავინდებურად ისევ Mastercard-ია. სებ-ის ვებგვერდზე გამოქვეყნებული სტატისტიკური მასალის თანახმად, 2023 წლის ოქტომბრის მდგომარეობით მიმოქცევაში არსებული საგადახდო სადებეტო ბარათების რაოდენობა 8,067,411 ერთეულს შეადგენდა, რაც სექტემბერთან შედარებით 1.4%-იან ზრდას აჩვენებს, ხოლო 2022 წლის ოქტომბრის მონაცემებთან შედარებით კი 14.5%-იან ზრდას.
ოქტომბრის მდგომარეობით აქტიური სადებეტო ბარათებიდან 51%-ს Mastercard-ი ფლობს, ხოლო 31%-ს VISA.
თვიურ ჭრილში აქტიური Mastercard-ის სადებეტო ბარათების რაოდენობა 1%-იან ზრდას აჩვენებს, ხოლო VISA ასევე 1%-იან ზრდას.
არსებული სტატისტიკური მაჩვენებლების თანახმად, ბაზრის 17,5%-ის კი სხვადასხვა სახის სადებეტო ბარათებზე მოდის. მთლიანობაში საუბარია სულ 1,414,311 ერთეულ ბარათზე.
