2023 წელს მიკროსაფინანსო ორგანიზაციებში დაფიქსირებული პრეტენზიების რაოდენობამ 1230 ერთეული შეადგინა, რაც იმას ნიშნავს, რომ წლიურ ჭრილში პრეტენზიების რაოდენობა 25%-ითაა გაზრდილი. სებ-ის სტატისტიკური მაჩვენებლებით, 2022 წელს მიკროსაფინანსო ორგანიზაციებში დაფიქსირებული პრეტენზიების რაოდენობამ 982 პრეტენზია შეადგინა.
ირკვევა, რომ მიკროსაფინანსო ორგანიზაციების კლიენტებს ყველაზე მეტი პრეტენზია ჯარიმებისა და ვადაგადაცილების საკომისიოების მიმართულებით აქვთ. 2023 წელს ასეთი 827 პრეტენზია იყო, რაც მთლიანი პრეტენზიების 67%-ია.
