2023 წლის პირველი კვარტლის მდგომარეობით მიკროსაფინანსო ორგანიზაციების აქტივების მოცულობამ 1 866 001 812 ლარი შეადგინა, რაც გასული წლის ანალოგიურ პერიოდთან შედარებით 14%-იან ზრდას აფიქსირებს.
სებ-ის მონაცემებით, გასული წლის ანალოგიურ პერიოდში მიკროსაფინანსო ორგანიზაციების აქტივების მოცულობა 1 641 272 403 ლარი იყო.
რაც შეხება პასივებს, 2023 წლის იანვარ-მარტის მდგომარეობით მიკროსაფინანსო ორგანიზაციებში მათი მოცულობა 1 866 001 811 ლარს შეადგენდა. ზრდა გასული წლის ანალოგიურ პერიოდთან ასევე 14%-ია.
პირველი კვარტლის ბოლოსთვის მიკროსაფინანსო ორგანიზაციებში ნაღდი ფულადი სახსრების მოცულობა 107 537 826 ლარს შეადგენდა, მთლიანი სესხების მოცულობა კი 1 580 623 694 ლარს.
დარიცხული მისაღები პროცენტები და დივიდენდები მიკროსაფინანსო ორგანიზაციების მაგალითზე პირველი კვარტლის ბოლოს 22 807 404 ლარი იყო, ხოლო მათ მიერ დასაკუთრებული უძრავი და მოძრავი ქონების საერთო ღირებულება 4 881 204 ლარით იყო განსაზღვრული.
მიმდინარე წლის პირველი სამი თვის მდგომარეობით ინვესტიციები საწესდებო კაპიტალში 1 034 926 ლარს შეადგენდა, ხოლო საანგარიშო პერიოდში მიკროსაფინანსო ორგანიზაციების ძირითადი საშუალებები და არამატერიალური აქტივები 48 860 663 ლარს შეადგენდა.
