ირანის ნავთობის მინისტრმა ჯავად ოუჯიმ გამოაცხადა ნავთობისა და გაზის ოთხი ახალი საბადოების აღმოჩენის შესახებ, რომლებიც მთელი ქვეყნის მასშტაბით გეოლოგიური კვლევისას აღმოაჩინეს, იუწყება Trend.
გავრცელებული ინფორმაციით, ერთ-ერთი მათგანია ჩეშმ-ე-შურის გაზის საბადო რაზავი ხორასანის პროვინციაში, ასევე ილკანის (ირკანის) ნავთობის საბადო გოლესტანის პროვინციაში და ტანგუსა და განავეს ნავთობის საბადოები ბუშეჰრის პროვინციაში.
მინისტრის თქმით, ნავთობისა და გაზის მოპოვება მოქმედი ადმინისტრაციის პირობებში, შესაბამისად, 1 მილიონ 200 ათასი ბარელითა და 45 მილიონი კუბური მეტრით გაიზარდა.
