ინდოეთმა 2018 წლის შემდეგ რუსეთისგან ბრილიანტების რეკორდული რაოდენობა იყიდა

აგვისტოში ინდოეთმა რუსეთიდან ერთდროულად $215 მილიონის ღირებულების ბრილიანტი შეიძინა, რაც 2018 წლის მარტიდან რეკორდული მაჩვენებელია.

ამის შესახებ ინდოეთის ვაჭრობისა და მრეწველობის სამინისტროში განაცხადეს.

ამრიგად, ზაფხულის ბოლოს ინდოეთმა რუსული ბრილიანტის იმპორტი ყოველთვიურად 4-ჯერ, წლიურად 9%-ით - 215,1 მლნ დოლარამდე გაზარდა. ეს იყო ყველაზე დიდი ყოველთვიური შესყიდვა 2018 წლის მარტის შემდეგ, როდესაც ქვეყანამ ერთდროულად 481 მილიონი დოლარის ღირებულების ძვირფასი ქვები შეიძინა.

საერთო ჯამში, 2023 წლის დასაწყისიდან ინდურმა კომპანიებმა რუსეთის ფედერაციიდან $863 მილიონის ბრილიანტები იყიდეს, რაც 29%-ით მეტია გასულ წელთან შედარებით.

ინდოეთის ინდუსტრიის მარეგულირებელმა ძვირფასი ქვების და საიუველირო ნაწარმის ექსპორტის ხელშეწყობის საბჭომ სექტემბრის ბოლოს გამოაცხადა, რომ Alrosa-მ თავისი მოთხოვნით შეაჩერა ალმასის გაყიდვები სექტემბერში და ოქტომბერში.

მოგვიანებით, ინდოეთის ალმასის სექტორის მთავარმა წარმომადგენლებმა რეკომენდაცია გაუწიეს ინდოეთში უხეში ალმასის ყველა იმპორტის ორთვიან მორატრიუმს, რაც ყველაზე რადიკალური შემზღუდველი ღონისძიებაა პანდემიის შემდეგ.