2023 წლის III კვარტალში საქართველოდან საზღვარგარეთ ყველაზე მეტი ვიზიტი განხორციელდა საყიდლების მიზნით.
როგორც საქსტატის მიერ გამოქვეყნებულ ინფორმაციაშია აღნიშნული ივლის-სექტემბერში საქართველოს რეზიდენტების 33.4 პროცენტი საზღვარგარეთ შოპინგისთვის გავიდა. 3 თვეში შოპინგის მიზნით ქვეყნიდან 216.1 ათასი ვიზიტი განხორციელდა.
მეორე ადგილზეა მეგობრების მონახულება, ამ მიზნით ქვეყნიდან გასვლების 31.7%-ი სწორედ მეგობრების/ნათესავების მონახულებაზე მოდის. მესამე ადგილზე დასვენება, გართობა, რეკრეაციააამ რომელზეც ქვეყნის ვიზიტორების მიერ საზღვარგარეთ გასვლების 16.4%-ი მოდის.
2023 წლის III კვარტალში საქართველოს რეზიდენტი ვიზიტორების მიერ საზღვარგარეთ განხორციელებული ვიზიტების განაწილება ვიზიტის მიზნის მიხედვით:
პროფესიული/ეკონომიკური საქმიანობა - 11,7%-ი,
მკურნალობა, გაჯანსაღება - 2.9%-ი.
2023 წლის III კვარტალში საქართველოს ტერიტორიიდან დაფიქსირდა საქართველოს რეზიდენტი მოგზაურების 1 819.9 ათასი გასვლა საზღვარგარეთ, რაც 18.2 პროცენტით მეტია წინა წლის ანალოგიური პერიოდის მაჩვენებელზე. გასვლების უდიდესი ნაწილი, 45.4 პროცენტი, განხორციელდა 31-50 წლის მოგზაურების მიერ.
