Georgian Airways-ი მოსკოვის მიმართულებით ფრენების შესრულებას 20 მაისიდან იწყებს. ავიაკომპანიამ შესაბამისი ნებართვა სამოქალაქო ავიაციის სააგენტოდან უკვე მიიღო.
„თბილისი - მოსკოვი - თბილისის მიმართულებით რეგულარული ოპერირების განხორციელებას ავიაკომპანია Georgian Airways-ი იწყებს. ავიაკომპანიის მიერ, სამოქალაქო ავიაციის სააგენტოში წარმოდგენილი ფრენის განაცხადის შესაბამისად, ფრენები 20 მაისიდან, კვირაში 7 სიხშირით განხორციელდება.
საქართველოს სამოქალაქო ავიაციის სააგენტოს მიერ, ფრენების განხორციელებისათვის აუცილებელი ნებართვა ავიაკომპანიაზე დღეს, მიმდინარე წლის 16 მაისს გაიცა“, - აცხადებენ სამოქალაქო ავიაციის სააგენტოში.
