PMC-ის კვლევითი ცენტრის „საქართველოს ეკონომიკური კლიმატი“ ბიულეტენში, რომელიც ქართველი ეკონომისტების გამოკითხვის საფუძველზე მომზადდა, საქართველოს ეკონომიკურ კლიმატზე საინტერესო მიგნებები გამოიკვეთა.
გამოკითხვის ფარგლებში ეკონომისტებმა ასევე შეაფასეს თურქული ლირის რეკორდული გაუფასურების გავლენა საქართველოს ეკონომიკის სხვადასხვა ასპექტებზე.
გამოკითხულ ეკონომისტთა 78% მიაჩნია, რომ ადგილობრივად წარმოებული პროდუქციის კონკურენტუნარიანობის შემცირება თურქეთიდან იაფ იმპორტთან შედარებით, სულ მცირე, დიდ გავლენას მოახდენს საქართველოს ეკონომიკაზე.
გარდა ამისა, გამოკითხულთა 58% მიიჩნევს, რომ თურქეთიდან გაზრდილი იმპორტის გავლენა იქნება მაღალი ან ძალიან მაღალი (შესაბამისად, 29% და 29%).
საქართველოდან ექსპორტის შემცირება ზომიერ გავლენას მოახდენს საქართველოს ეკონომიკაზე, როგორც ამას გამოკითხულ ეკონომისტთა 57% ამტკიცებს.
ამავდროულად, თურქეთიდან ფულადი გზავნილების შემცირება რესპონდენტთა 50%-ის მიერ დაბალი გავლენის მქონე არხად არის შეფასებული.
