დღეს ღამე ცაზე სუპერმთვარე გამოჩნდება. ის დედამიწიდან დაახლოებით 357 000 კილომეტრით იქნება დაშორებული და წლის ყველაზე დიდი მთვარე იქნება. დღევანდელ მოვლენას „ლურჯი სუპერმთვარე“ ჰქვია და ამ ფენომენის ხილვის შანსი 2032 წლამდე აღარ იქნება.
ზოგადად, მთვარე სუპერმთვარე მაშინ ხდება, როცა ის ორბიტაზე დედამიწასთან უახლოეს წერტილში მიდის, რასაც პერიგეას უწოდებენ. როგორც წესი, ამ დროს მთვარე ცაზე დაახლოებით შვიდი პროცენტით უფრო დიდი ჩანს, ვიდრე ჩვეულებრივ.
წლევანდელი ოთხი სუპერმთვარეობიდან, ორი აგვისტოშია. ერთი მათგანი 1-ელ აგვისტოს უკვე ვიხილეთ.
