BP-ი, ბაქო-თბილისი-ჯეიჰანის ნავთობის გადამზიდავებს, ჯეიჰანში ფორსმაჟორული ვითარების შესახებ აფრთხილებს

„ბაქო-თბილისი-ჯეიჰანის (BTC) მილსადენით ნავთობის ექსპორტი გრძელდება“, - ამის შესახებ Interfax-Azerbaijan-ს BP-Azerbaijan-ის პრესსამსახურის ხელმძღვანელმა თამამ ბაიათლიმ განუცხადა.

„დიახ, ნავთობი გადის ექსპორტზე (BTC - IF) და იტვირთება ჯეიჰანის ტერმინალზე. თუმცა, ამ ნავთობის ტანკერებში ჩატვირთვა შეუძლებელია“, - განაცხადა ბაიათლიმ.

სპიკერმა ასევე თქვა, რომ BTC-ის გავლით ნავთობის გადამზიდავებმა იციან ჯეიჰანში გადაზიდვის ფორსმაჟორული გარემოებების შესახებ.

„7 თებერვალს ფორსმაჟორული ცნობა გაეგზავნა BTC ნავთობის გადამზიდველებს ჯეიჰანის საზღვაო ტერმინალზე დატვირთვის ოპერაციების დროებით შეჩერების გამო“, - თქვა ბაიათლიმ.

კითხვაზე, შესაძლებელია თუ არა ნავთობის ექსპორტის შემცირება BTC-ის მილსადენზე ჯეიჰანის ტერმინალზე ტანკერების შემდგომი დეფიციტის გამო, BP-Azerbaijan-ის წარმომადგენელმა აღნიშნა, რომ „ამჟამად მიმდინარეობს ამ საკითხის შეფასება“.

როგორც ცნობილია, თურქეთის ნავთობტერმინალის ჯეიჰანის მუშაობა თურქეთში მომხდარი მიწისძვრის შემდეგ შეჩერდა.

BTC-ის ნავთობსადენით ნავთობის ტრანზიტი აზერი-ჩირაგ-გუნეშლის საბადოების ბლოკიდან და შაჰ-დენიზის საბადოდან (კონდენსატი) ხორციელდება. მილსადენით ხდება ასევე SOCAR-ის ნავთობის ტრანზიტი. BTC ასევე ახორციელებს ნავთობის ტრანსპორტირებას კასპიის ზღვის რეგიონის სხვა ქვეყნებიდან.

შეგახსენებთ, რომ BTC ნავთობსადენის სიგრძე 1768 ათასი კმ-ია, აქედან 443 კმ აზერბაიჯანზე, 249 კმ საქართველოსა და 1076 კმ თურქეთზე გადის.

მილსადენის გამტარუნარიანობა წელიწადში 50 მილიონ ტონას აღემატება.

BTC Co-ს აქციონერები არიან: BP (30,1%); სოკარი (25%); MOL (8,9%); ეკვინორი (8,71%); TPAO (6,53%); ENI (5%); იტოჩუ (3,4%); ExxonMobil (2,5%); INPEX (2.5%), TotalEnergies (5%) და ONGCVidesh (2.36%).