ბაქო-თბილისი-ანკარას მარშრუტზე შესაძლოა, ჩქაროსნული სამგზავრო მატარებელი ამოქმედდეს.
ამის შესახებ APA-თან ინტერვიუში „აზერბაიჯანის რკინიგზის“ მგზავრთა გადაყვანის დეპარტამენტის აღმასრულებელმა ხელმძღვანელმა აზერ ფარაჯოვმა განაცხადა.
მისი თქმით, მატარებელი შესაძლოა Stadler Rail Group-ის მიერ წარმოებული სამგზავრო საძილე ვაგონებისგან იყოს დაკომპლექტებული.
„სახმელეთო სახელმწიფოთაშორისი საზღვრების გახსნისას ჩვენი პოსტპანდემიური ღონისძიებების პაკეტის ფარგლებში, შესაძლებელია ამოქმედდეს ჩქაროსნული სამგზავრო მატარებელი ბაქო-თბილისი-ანკარა მარშრუტზე, რომელიც Stadler Rail Group-ის მიერ წარმოებული სამგზავრო საძილე ვაგონებისგან იქნება შემდგარი“, განაცხადა აზერ ფარაჯოვმა.
