BAG ინდექსის 2023 წლის მეორე კვარტლის შედეგების მიხედვით, დასაქმების ბარომეტრის მაჩვენებელმა 41.9 ქულა შეადგინა, რაც წინა კვარტლის მონაცემთან შედარებით 7.9 ქულით არის გაუმჯობესებული.
მიმდინარე კვარტალში, მონაცემები მზარდია ოთხივე სექტორში, თუმცა გამოსაყოფია მრეწველობისა და მშენებლობის სექტორები, სადაც მაჩვენებლები წინა კვარტალთან შედარებით20.5 და 13.0 ქულით არის გაზრდილი. აღნიშნულს, შესაძლოა განაპირობებდეს სექტორებში არსებული მოლოდინები გაყიდვების ზრდასთან დაკავშირებით, რაც გამოკითხული კომპანიების 64%-მა და 73%-მა დაასახელა.
უნდა აღინიშნოს, რომ დასაქმებულთა რაოდენობასთან ერთად, კვლევის ანგარიშში ასევეგანხილულია, კომპანიებში დასაქმებულთა ანაზღაურების დინამიკაც. გამოკითხვის შედეგების მიხედვით, 2023 წლის პირველ და მეორე კვარტლებში კომპანიების 61%-მა და 32%-მა გაზარდა დასაქმებულთა ხელფასები, რაც სექტორულად თუ განვიხილავთ, უმეტესად ვაჭრობისა და მშენებლობის სექტორებში დაფიქსირდა.
საგულისხმოა ასევე, რომ გამოკითხულ კომპანიათა 85%-ის განცხადებით, აღნიშნული სახელფასო ზრდა 0-20%-იან შუალედში დაფიქსირდა.
ინფორმაციისთვის, BAG ინდექსის 2023 წლის მეორე კვარტლის კვლევა მომზადდა საქართველოს ბიზნეს ასოციაციისა და PMC კვლევითი ცენტრის მიერ ifo ეკონომიკური კვლევების გერმანული ინსტიტუტის მეთოდოლოგიაზე დაყრდნობით.
კვლევის ანგარიში შეგიძლიათ იხილოთ ბმულზე.
