უნგრეთი, თავის ტერიტორიაზე გაზის წარმოებას აფართოებს, რითაც უცხოურ გაზზე დამოკიდებულების შემცირებას ცდილობს.
უნგრეთის ენერგეტიკის სამინისტროს ცნობით, სამრეწველო გაზის წარმოება ბეკეშის რეგიონში, ქვეყნის სამხრეთ-აღმოსავლეთით მდებარე საბადოზე დაიწყო.
„ქალაქ შარკადთან ახლოს აღმოჩენილი ნიეპუსტას საბადოზე პირველი ჭაბურღილი ორშაბათს ამოქმედდა, მეორე ჭაბურღილის ბურღვა კი უახლოეს დღეებში დაიწყება“, - აზუსტებენ უნგრეთის ენერგეტიკის სამინისტროში.
სამინისტროს განცხადებით, უნგრეთის მთავრობა „აძლიერებს ქვეყნის ენერგეტიკულ სუვერენიტეტსა და ენერგომომარაგების უსაფრთხოებას შიდა წყაროებიდან“.
კერძოდ, უნგრეთის მთვრობის მიზანია გაზზე არსებული შიდა მოთხოვნა ეტაპობრივად დააკმაყოფილოს.
ამ დროისთვის ქვეყანას ბუნებრივი აირი რამდენიმე წყაროდან მიეწოდება, თუმცა დომინანტი რუსეთია.
