„საუდის არაბეთის ნავთობის კომპანიამ (Saudi Aramco) 2022 წელს 161,1 მილიარდი დოლარის წმინდა მოგება მიიღო, რაც 2021 წლის მაჩვენებელზე 46%-ით მეტია, ხოლო კომოანიის არსებობიდან დღემდე რეკორდული მაჩვენებელია“, ნათქვამია ნავთობკომპანიის პრესრელიზში.
კომპანიამ ასევე 2022 წლის მეოთხე კვარტალში დივიდენდების 4%-იანი ზრდის შესახებ განაცხადა.
Bloomberg-ის ცნობით, დივიდენდების ზრდა მოულოდნელი იყო, რადგან ბოლო დრომდე Aramco ამჯობინებდა დამატებითი შემოსავლის ინვესტირებას სამთო და გადამუშავების განვითარებაში, ხოლო მისმა კონკურენტებმა Chevron-მა და Shell-მა ნავთობისა და გაზის მაღალი ფასებიდან გამომდინარე 2022 წელს მიღწეული სუპერმოგების ფონზე, აქციონერებს თანხა დივიდენდების გაზრდისა და აქციების ყიდვის გზით დაუბრუნეს.
