2022 წელს საქართველოს რკინიგზით გადატანილია 14.8 მლნ. ტონა ტვირთი, რაც გასული წლის შესაბამის მაჩვენებელ 21.8 პროცენტით აღემატება.
გადაზიდული ტვირთების 12.8 პროცენტი მოდის ადგილობრივ გადაზიდვაზე, 28.6 პროცენტი - საერთაშორისო გადაზიდვაზე (არ მოიცავს ტრანზიტს), ხოლო 58.6 პროცენტი - ტრანზიტზე.
2022 წელს საერთაშორისო გადაზიდვის რეჟიმში რკინიგზით გადატანილი ტვირთის მოცულობის 30.1 პროცენტი ქვეყნიდან გატანილ ტვირთზე მოდის, ხოლო 69.9 პროცენტი - ქვეყანაში შემოტანილ ტვირთზე.
საქსტატის ცნობოთ, 2022 წელს რკინიგზით შემოტანილი ტვირთის მთლიანი მოცულობის 41.1 პროცენტისათვის გამომგზავნ ქვეყანას რუსეთის ფედერაცია წარმოადგენს, 21.4 პროცენტისათვის - აზერბაიჯანი, 8.2 პროცენტისათვის - სომხეთი, 5.3 პროცენტისათვის - თურქმენეთი, 4.0 პროცენტისათვის - ბულგართი, ხოლო 4.0 პროცენტისათვის - რუმინეთი.
ამასთან, 2022 წელს რკინიგზით გატანილი ტვირთის მთლიანი მოცულობის 22.2 პროცენტისათვის დანიშნულების ქვეყანას სომხეთი წარმოადგენს, 9.6 პროცენტისათვის - ყაზახეთი, ხოლო 8.4 პროცენტისათვის - რუსეთის ფედერაცია.
2022 წელს ტრანზიტით გადატანილი ტვირთის მთლიანი მოცულობის 14.9 პროცენტისათვის დანიშნულების ქვეყანა თურქეთია, 7.8 პროცენტისათვის - ნიდერლანდები, 6.7 პროცენტისათვის - იტალია, ხოლო 3.5 პროცენტისათვის - ჩინეთი.
