შემიძლია დავადასტურო, რომ წამლის ხარისხის ლაბორატორია უკვე მზად არის, - ამის შესახებ საქართველოს ჯანდაცვის მინისტრმა ზურაბ აზარაშვილმა დღეს, მთავრობის სხდომის დასრულების შემდეგ გამართულ ბრიფინგზე განაცხადა..
„ახლა ტექნიკურ დეტალებსა და საორგანიზაციო საკითხებზე ვთანხმდებით. ვგეგმავთ, როდის უნდა გაიხსნას. დღეს შეგვიძლია ვთქვათ, რომ ქვეყანას აქვს წამლის ლაბორატორია, სადაც მედიკამენტები გადამოწმდება და მათი საზღვარგარეთ გაგზავნა საჭირო აღარ იქნება“, - განაცხადა ზურაბ აზარაშვილმა.
ჯანდაცვის უწყების ხელმძღვანელი ლაბორატორიის გახსნის დროს არ აკონკრეტებს, თუმცა მანამდე განაცადა, რომ წამლის ლაბორატორია ქვეყანაში მარტის ბოლოს გაიხსნება.
