TOP 5 პროდუქტი, რასაც საქართველო იტალიაში ყიდის და ყიდულობს

იტალიიდან იმპორტი 12%-ითაა გაზრდილი, ხოლო ექსპორტი 39%-ით. საქსტატის ინფორმაციით, 2024 წლის იანვარ-ოქტომბერში საქართველომ იტალიიდან 343,635.46 ათასი დოლარის პროდუქცია იყიდა, 2023 წლის ანალოგიურ პერიოდში კი 306,092.38 ათასი დოლარის. ზრდა 12%-ია. ნომერ პირველი საიმპორტო პროდუქტი, რასაც საქართველო იტალიიდან ყიდულობს მსუბუქი ავტომობილებია.

TOP 5 პროდუქტი, რასაც საქართველო იტალიიდან ყიდულობს:

• მსუბუქი ავტომობილები - 21,200.04 ათასი დოლარი,
• სამკურნალო საშუალებები დაფასოებული - 12,706.78 ათასი დოლარი,
• მანქანები ჭურჭლის სარეცხი - 10,931.08 ათასი დოლარი,
• ავეჯი სხვა და მისი ნაწილები - 9,826.39 ათასი დოლარი,

ფეხსაცმელი რეზინის, პოლიმერული მასალის, ტყავის ძირითა და ტყავის ზედაპირით - 8,925.41 ათასი დოლარი.

რაც შეეხება ექსპორტს ამ მიმართულებით 39%-იანი ზრდაა. 2024 წლის იანვარ-ოქტომბერი საქართველომ იტალიაში ექსპორტზე 40,638.18 ათასი დოლარის პროდუქცია გაიტანა, 2023 წლის 10 თვეში კი ექსპორტის მაჩვენებელი 29,223.36 აღასი დოლარია. ნომერ პირველი საექსპორტო პროდუქტი, რასაც საქართველო იტალიაში ყიდის ეს მილებია.

TOP 5 პროდუქტი, რასაც საქართველო იტალიაში ყიდის:

• მილები, მილაკები და ღრუ პროფილები, უნაკერო, შავი ლითონისაგან - 10,003.04 ათასი დოლარი;
• ფეროშენადნობები - 9,641.84 ათასი დოლარი;
• თხილი და სხვა კაკალი - 9,512.49 ათასი დოლარი;
• ფანერა დაწებებული, პანელები ხის დაფანერებული და ანალოგიური მასალები შერეული მერქნისაგან - 1,723.92 ათასი დოლარი;
• სასუქები მინერალური ან ქიმიური, აზოტოვანი - 1,607.45 ათასი დოლარი.