საქართველოში იმპორტირებული ყავის ყველაზე დიდი წილი ინდონეზიაზე მოდის

2024 წლის შვიდ თვეში საქართველომ 4,399.80 ტონა ყავა შეიძინა, რაშიც 20,991.41 ათასი დოლარი გადაიხადა. 2023 წლის იანვარ-ივლისში იმპორტირებული ყავის მოცულობამ კი 4,472.66 ტონა შეადგინა. 

აღნიშნული მაჩვენებლებით კი ირკვევა, რომ მიმდინარე წელს გასული წლის ანალოგიურ პერიოდთან შედარებით ყავის იმპორტი 2%-ითაა შემცირებული. ხოლო რაც შეეხება იმპორტირებული ყავის ღირებულებით ნაწილს აქ გასულ წელთან შედარებით 21%-იანი ზრდაა. 2023 წლის 7 თვეში ქვეყანამ 17,356.12 ათასი დოლარის ღირებულების ყავა იყიდა, ხოლო 2024 წლის ანალოგიურ პერიოდში კი 20,991.41 ათასი დოლარის.

საქართველოსთვის ყავის ნომერ პირველი იმპორტიორი ქვეყანა ინდონეზიაა, რომელზედაც ქვეყანაში იმპორტირებული ყავის 36%-ი მოდის. 

TOP-5 ქვეყანა, საიდანაც საქართველო ყავას ყიდულობს:

ინდონეზია - 1,592.10 ტონა - 5,316.26 ათასი დოლარი,

ვიეტნამი - 1,171.95 ტონა - 3,628.06 ათასი დოლარი,

რუსეთი - 476.29 ტონა - 2,852.39 ათასი დოლარი,

გერმანია - 215.32 ტონა - 1,601.25 ათასი დოლარი,

იტალია - 205.77 ტონა - 2,536.23 ათასი დოლარი.