საქართველოში მოქმედებს მცურავი გაცვლითი კურსი. ჩვენ არ გვაქვს პროგნოზირებული მაჩვენებელი. ამის გაკეთება პრაქტიკულად შეუძლებელია. როგორც განსაზღვრავს ეკონომიკური ფუნდამენტები გაცვლით კურსს, შესაბამისი მაჩვენებელი ექნება,- ამის შესახებ ეროვნული ბანკის ვიცე-პრეზიდენტმა ეკატერინე მიქაბაძემ პარლამენტის საფინანსო-საბიუჯეტო კომიტეტში 2025 წლის ბიუჯეტის პროექტის შეფასებისას, დეპუტატის მიერ მომავალ წელს ლარის კურსთან დაკავშირებით დასმული კითხვის საპასუხოდ განაცხადა.
სებ-ის ვიცე პრეზიდენტის შეფასებით, შემოდინებების სტაბილურობის გათვალისწინებით, [ლარის კურსის] მაღალი მერყეობა არ ფიქსირდება.
„რაც შეეხება ეკონომიკურ ფუნდამენტებს, მოგეხსენებათ ეკონომიკური ზრდა საკმაოდ მაღალია. შემოდინებების თვალსაზრისით საკმაოდ პოზიტიური ტენდენციები გვაქვს, როგორც საქონლის, ისე მომსახურების ექსპორტის მიმართულებით. შესაბამისად, შემოდინებების სტაბილურობის გათვალისწინებით, მაღალი მერყეობა არ ფიქსირდება“,- აღნიშნა ეკატერინე მიქაბაძემ.
უახლესი
12 საათის წინ
საქართველოს ეროვნული ბანკი „თვის მიმოხილვას“ აქვეყნებს13 საათის წინ
მუხიანში სკვერის რეაბილიტაცია სრულდება
