გიზიარებთ ბლოგს: ველი მუდმივად ზრუნავს მომხმარებლის ინტერესებზე, რის გამოც, პროდუქციის ასორტიმენტი ყოველდღიურად იზრდება. აქ შეგიძლია აღმოაჩინო პროდუქტები, რომლებიც, ხშირად საქართველოში მხოლოდ ველის ციფრულ პლატფორმაზეა ხელმისაწვდომი.
ამჯერად, ველი აუდიოტექნიკის სფეროს ლიდერი ბრენდის – JBL -ის უახლეს პროდუქტებს გთავაზობს. ბრენდი ინოვაციურ ტექნოლოგიებსა და ხმის უმაღლეს ხარისხს აერთიანებს.
JBL აგრძელებს ბრენდის დამფუძნებლის – ამერიკელი აუდიო ინჟინრისა და დიზაინერის, ჯეიმს ბულოუ ლანსინგის დაწყებულ ტრადიციას. JBL-ის ფილოსოფია გულისხმობს, რომ ხმა არის თავისუფლების გამოხატვის საშუალება.
JBL-ის დინამიკების Authentics სერია და ახალი JBL Live Beam ყურსასმენები ამ ფილოსოფიის პრაქტიკული განხორციელებაა. ისინი, არამხოლოდ უმაღლესი ხარისხის ხმას უზრუნველყოფენ, არამედ გამოირჩევიან დახვეწილი დიზაინითა და ინტეგრირებული არიან JBL ONE აპლიკაციასთან.
აპლიკაცია მომხმარებელს საშუალებას აძლევს, მაქსიმალურად აითვისოს დინამიკის თუ ყურსასმენის შესაძლებლობები და მოარგოს იგი თავის საჭირობებსა და სურვილებს. JBL ONE აპლიკაცია წარმოადგენს ერთიან პლატფორმას JBL-ის Wi-Fi-ით აღჭურვილი პროდუქტების სამართავად.
აპლიკაციის დაყენება ძალიან მარტივია და გთავაზობს ისეთ შესაძლებლობებს, როგორებიცაა აუდიო კალიბრაცია და რამდენიმე დინამიკის ერთმანეთთან დაკავშირება. აპლიკაცია, გთავაზობს პერსონალიზაციის დამატებით შესაძლებლობებსაც, როგორებიცაა ხმის ტემბრის ინდივიდუალური შერჩევა და განათების კონტროლი. გარდა ამისა, JBL ONE-ის საშუალებით შეამოწმებ მოწყობილობების დაკავშირების სტატუსსა და ბატარეის დამუხტვის დონესაც.
JBL Authentics 300 თავისი სერიის შესანიშნავი წარმომადგენელია. ის აღჭურვილია 100 ვატი სიმძლავრის დინამიკებითა და გამორჩეული ხარისხის სტერეო ხმას გთავაზობს. დინამიკი ძალიან მოსახერხებელია სახლის პირობებში გამოსაყენებლად. ის უკავშირდება ხმოვან ასისტენტებს, როგორიცაა Google Assistant და Amazon Alexa.
Authentics 300-ს აქვს ჩაშენებული ბატარეა, რომელიც 8 საათის განმავლობაში შეუფერხებლად მუშაობს, ხოლო დამუხტვას 3.5 საათი სჭირდება. დინამიკი აღჭურვილია Wi-Fi და Bluetooth 5.3 კავშირით. Wi-Fi, დინამიკის ავტომატურ პროგრამულ განახლებებსაც უზრუნველყოფს. ამასთანავე, JBL One app კიდევ უფრო გაგიადვილებს დინამიკის კონტროლს.
დინამიკი რეტრო, მინიმალისტური დიზაინით გამოირჩევა და მარტივად ინტეგრირდება ნებისმიერ ინტერიერში. აქვს ალუმინის მოსახერხებელი სახელური და გაფორმებულია ტყავის დეტალებით.
აქვე უნდა გაიცნო, კიდევ ერთი დახვეწილი, კლასიკური დიზაინით გამორჩეული პორტატიული დინამიკი JBL Authentics 500. მას 270 ვატი სიმძლავრის დინამიკები და შესანიშნავი ხარისხის ხმა აქვს. ამ სერიის სხვა დინამიკების მსგავსად, ძალიან მოსახერხებელია სახლის პირობებში გამოსაყენებლად.
Authentics 500 შეგიძლია ჩართო როგორც სადენით, ასევე უსადენოდ, მას აქვს 3.5 მილიმეტრიანი და USB Type-C პორტები. გარდა ამისა, დინამიკთან დაკავშირება შესაძლებელია Wi-Fi-სა და Bluetooth-ის მეშვეობითაც. JBL Authentics 300-ის მსგავსად მისი მართვაც შესაძლებელია JBL One აპლიკაციითა და ხმოვანი ასისტენტების მეშვეობით. ხოლო, გულის ფორმის ღილაკის მეშვეობით, რომელიც დინამიკის კორპუსზეა განთავსებული, შეგიძლია შენი საყვარელი ფლეილისტი თითის ერთი დაჭერით ჩართო.
ბრენდის განსაკუთრებული სიახლეა, JBL Live Beam სერია. JBL Live Beam 3 უსადენო ყურსასმენებს აქვს 10 მილიმეტრიანი დრაივერები. თითოეული მათგანი ღრმა ბასს, დაბალანსებულ საშუალო დიაპაზონსა და მაღალ სიხშირეს უზრუნველყოფს. ხოლო, დამტენ ქეისზე განთავსებულია 4 სანტიმეტრიანი ეკრანი, რომლითაც მარტივად დააყენებ პარამეტრებს.
JBL Spatial Sound სისტემა თავს თეატრში, კონცერტზე ან შენი საყვარელი შემსრულებლის სტუდიაში გაგრძნობინებს. ამ სპეციალური ტექნოლოგიის მეშვეობით, ხმა ისმის პრაქტიკულად ყველა მხრიდან შენს ირგვლივ.
დაარეგულირე ყურსასმენების ხმა სურვილისამებრ: პროგრამა Personi-Fi 3.0 განსაზღვრავს სმენის მახასიათებლებს, ხოლო მობილური აპლიკაცია საშუალებას მოგცემს აირჩიო და შეინახო ინდივიდუალური პარამეტრები.
ორმაგი კავშირისა და სინქრონიზაციის ტექნოლოგიით, უსადენო ყურსასმენები – JBL Live Beam 3 ქეისის გახსნის მომენტიდან, ერთი კლიკით, მარტივად დაუკავშირდება შენს სმარტფონს. ასევე, Multi-Point ფუნქციის მეშვეობით შეგიძლია ორ მოწყობილობას ერთდროულად დაუკავშირდე.
აღმოაჩინე ველიზე პრემიუმ ხარისხის აუდიოტექნიკა. შეიძინე JBL-ის უნიკალური დიზაინით შექმნილი ყურსასმენები და დინამიკები.
უახლესი
12 საათის წინ
საქართველოს ეროვნული ბანკი „თვის მიმოხილვას“ აქვეყნებს13 საათის წინ
მუხიანში სკვერის რეაბილიტაცია სრულდება
